今年第二次出文具市集解鎖，有得玩又暖心！

今次有Khloris 一齊擠擠迫迫又笑到飛起，仲認識到新朋友 ，多謝大家關照啊！！

不經不覺 MYY 已經碌過一關又一關，拖拉撐扶行咗五年半。歷代小幫手閃出閃入，每次都係拍膊頭又揼心口咁，付出時間心機精神嚟成就店小二嘴郁郁。每次出動仲有各位師兄師姐專程嚟支持同 Chit-chat 送暖，令我哋覺得「未死得…幾好～」感謝 Wing 大籌辦 MTOS02 ，細有細玩，大有大玩，最緊要有得玩！MTO 場真係隨時感受到滿滿嘅「用愛發電」，店家小二們已經叉滿電，See you next time！(o´罒`o)

第一次進軍啟德大場就順利解鎖！

雖然中途有少少驚險嘅小插曲，但好彩有主辦同埋各位善解人意嘅師兄師姐送暖， I 人店小二即刻叉滿電繼續營業 (o´罒`o)

今次吸收咗好多正能量，返到官塘主場之後，店小二一定會記住呢股動力，帶領更多人跌入文具同墨水嘅「時間黑洞」！ ( • ̀ω•́ )